ເນື້ອຮ້ອງ & ທຳນອງ : ສ. ແສງສິຣິວັນ (≈1970)
ນັກຮ້ອງຕົ້ນສະບັບ : ຄຳເຕີມ ຊານຸບານ
- ໂທ້! ຊີວິດ ຄິດມາໜ້ານ້ອຍໃຈ
ຝາກຮັກໃຜ ກໍມີແຕ່ຜິດຫວັງ
ສຸດຂື່ນຂົມ ຣະທົມເໝືອນດັ່ງ
ຄົນສິ້ນທາງ ຄອຍຖ້າຈະຕາຍ - ໂອ້! ຟ້າດິນ ຄົງລົງໂທດຂ້າ
ອະນິຈາ ຂ້າໝົດຄວາມໝາຍ
ຮັກເຄີຍຊື່ນ ຮັກເຄີຍສຸກໃຈ
ກັບມະລາຍ ເພາະຂ້າອັບຈົນ… - ຊາດກ່ອນນີ້ ຂ້າຄົງສ້າງແຕ່ກັມ
ຈຶ່ງເຈັບຊໍ້າ ເຫຼືອແຮງຈະອົດທົນ
ຢາກຈະຕາຍ ໄປເສັຽໃຫ້ພົ້ນ
ເພາະເປັນຄົນ ຟ້າລົງໂທດທັນ - ອີກເມື່ອໃດ ຂ້າຈຶ່ງຈະສິ້ນ
ພົ້ນມົນທິນ ທີ່ມີມານັ້ນ
ພົບຄວາມຮັກ ຮັກດຽວຕໍ່ກັນ
ຈະຜູກພັນ ຊົ່ວນິຣັນດອນ…
